露營– bugology | 全台露營資訊

香港主要露營地有兩種，政府或其他機構提供的指定營地及xcamp/非指定地點。兩者的地質其本上完全不同，一般只會覺得同樣是草地但本質卻完全不同。政府的 ...

寫緊十幾篇文章，但心血來潮又開多篇寫露營時遇上營地周圍的居民，亦借此機會思念失去了的身影。

以前，又係以前，去露營會在營地周邊遇到不同的原住民，而我遇到的都是比較平易近人的好相與的。環顧現在多數營友都對營地周邊莫不關心只著重個人慾念（怕你唔明唧係豪飲豪食呀、勁裝而無知呀、打咭呃like呀之類），而我反而八八卦卦，誤打誤撞之下同各地村民結緣，當然村民眼中的我就只是過眼雲煙⋯⋯

大家有無識人屋企步行5分鐘內可到達營地呢？我中學時有個同學屋企係農場佢後門就係沙灘再上個山坡就到達一個政府指定營地(現已取消)，當年露營會去佢屋企收割菜芯返去煲麵，而同學亦會穿梭營地及屋企行來行去十忙碌。朋友多年無見還好嗎？

有次同朋友去西灣露營，佢走左去某士多狂飲啤酒如此這般就認識了士多老闆一家，之後我每次去玩基本上都完全幫襯佢，直到現在我及隊友還經常與老闆一家吃喝玩樂。老闆幾時燒野食？

農莊老闆係我朋友認識既，未禁止露營前我們一日三餐都响佢士多食，佢本身係大廚回流香港煮野一流食佢既早晨全餐要兩個人先可以食得完，後來禁止露營我哋直接响佢門口起營甚至住佢屋企，佢個農莊牌匾都係我裱裝既（我唔知之後有無換過），後黎某原因就無再去搵老闆，最近問起本身識老闆既朋友連佢都連絡唔到，農莊亦唔同晒人連狗都唔同左⋯牛奶妹⋯老闆希望可以再一起飲茶賞月講鬼故。

分流陳婆婆，我第一次去分流露營經過分流村路邊有個婆婆同我地搭訕話佢士多有野飲野食賣我反問佢可唔可以同佢攞水佢就點左我地去前面排屋攞水，雖然咁我都有幫襯，就係咁每年都會去睇下佢（其實係為左露營），我知佢從來都唔認得我地，不過每次一班人幫襯佢响佢客廳自出自入（自助式攞野飲）再坐低談天說地佢都會企响一邊笑咪咪，佢話不多不過都會同我地講下狗講下佢口中玩下既農田，每次我都希望可以為獨居的老人家帶來一點熱鬧。後話不多說保重。

各山頭荒島既阿叔阿嬸，曾經我通山走既日子遇上各位，問過你地邊到可以扎營可唔可以同你攞水既村民，多得你地既幫助令我安穩度過幾十年既露營活動。

另借此分享一下露營時同村民相處心得；幫襯就肯定係首要...